අතට අහුවෙන සෑම දෙයක්ම කියවමින්, සිතට එන සෑම දෙයක්ම ලියමින් ගෙවීගිය කාලයට විරාම තබා ගෙවුනු දින , සති, මාස ගණන ටිකින් ටික නිමා වී යන ලකුණු පෙනේ. අත්හැරී ගිය බොහෝ දෑ වෙත යලිත් යොමුවීමේ පළමු පියවරයි මේ.
ශ්‍රී ලාංකිකයින් සතුව තිබූ සත් බව, එකිනෙකා කෙරෙහි වූ ආදරය ගෞරවය අත්හැරී වෛරය, ආත්මාර්ථය වැනි දුර්ගුණ වේගයෙන් පැතිරීම කෙරෙහි බල පෑ ප්‍රධානම සාධකයකි ජනමාධ්‍ය. එයට අමතරව කියවීමේ (හරවත් යමක්) පුරුද්ද අතහැරී යාමේ ඵල විපාකද අප හොඳින් අත් විඳිමු. එදා බොළඳ නවකථාවක් ලෙස හන වැදුනු “ගොළු හදවත” වත් කියවීමට අද තරුණ පරපුර යොමු වූවා නම් අහිමි ආදරය නිසා සිදු වූ ඛේදවාචක කීයක් නම් වැලකී යාමට තිබුනේද?
ප්‍රශ්නයක් ඇති බව හැමෝම කියති. දනිතී. එහෙත් ඒ ගැනකිසිවක් නොකරති.එවන් පසු බිමක අඳුරට බැන බැන නොසිට එක පහනක් හෝ දැල්වීමටයි මේ වෑයම.
සිංහල වේවා ඉංගිරිසි වේවා (දන්නේ එම භාෂා දෙක පමණි ) හොඳ පොතකින් පිටුවක් හෝ පරිච්ඡේදයක් ඔබ වෙත ගෙන එන්නේ හොඳ පොතක් ගැන අදහසක් දීමට විනා කිසිදු බුද්ධිමය දේපළකට හානි කිරීමේ අදහස පෙරදැරිව නොවේ.
මෙහි පලවන සියළු උපුටා ගැනීම්වල හිමිකම් අදාල ලේකඛයන්, ප්‍රකාශකයින් හා පරිවර්තකයන් සතු බව තරයේ අවධාරණය කෙරෙන අතර ඔවුන්ගේ මතවාද, අදහස් හා චරිත සම්බන්ධයෙන් අපගේ වගකීමක් නොමැති බවද ප්‍රකාශ කරන්නෙමු.
ඉතින් එන්න..අපි හොඳ පොතක් කියවමු.
කියවමු / Kiyawamu 